اللي على جرح المشآعر يغنّون /
تجمّعوا في (غيبتي ) وشوّهوني
في جيّتي أصحاب وإن رحت يحكون ..!
ما كنّهم بدينهم صافحوني
لكن ورب البيت / مهما يقولون
كسرتهم من قبل ( لا يكسروني )
ثآبت | وأشوف الناس .. بعدي بمليون /
ولو حاولوا ميّة سنه .. ما كتبوني
مآطحت مثل (اللي بسرعه يطيحون )
هيبة حضوري تنقرى لا قروني
أغيب وإليا .. جيت واجد يغيبون
وأنا ( حضوري ) يشرّف اللي يبوني
وإذا زعلوا .. يا جعلهم ما يردون
أنا خسرت اللي ( يبي يخسروني )
من منبري هذا أبي الناس يدرون
من حطّني ( بعينه مكآنه عيوني )
ليست هناك تعليقات:
إرسال تعليق