| وين انت ياللي كل ماتمر ذكراك | توقد فتيل الشوق وتذوب الاضلاع |
| تعال .. واجلس صبلي من شفاياك | هيل الكلام..اللي تصبه بالاسماع |
| ازريت لاشبع من سوالفك..وارواك | ياللي سواليفك خزامى .. ونعناع |
| عن كل من حولي..تاخذني لدنياك | واندم على وقت ٍقبل لاعرفك ضاع |
| تزهر حياتي في حضورك .. ولاماك | مثل المطر تزهر من حضوره القاع |
| مره .. حاولت اجرب القلب وانساك | ورتعت قبل القلب يدري ويرتاع |
| ساق الهواء مركب غرامي لمرساك | ماعاد ينفع به مجاديف وشراع |
| عطني حضورك .. واقطع دروب فرقاك | لايهب للفرقا على القلب ذعذاع |
| مايستحق يعيش به كود شرواك | قلب ٍ يضمك حب .. ويضمك اوجاع |
ليست هناك تعليقات:
إرسال تعليق