علـى خـدك تنثـر كــل مـاهـا
صحيـح النـاس مايـدرون عنـي
ولا حسـوا دموعـي وش وراهــا
ولا يـدرون ليـه أسهـر لحـالـي
ولا يـدرون حـالـي وش بـرهـا
ولا عاشـوا دقيقـه فـي عـذابـي
لأن النـار تحـرق مـن وطـاهـا
أنـا يـا نـاس مجـروحٍ فــؤادي
جـروحٍ خافـيـه مـحـدٍ يـراهـا
ثـلاث سنيـن متحـمـل عـذابـي
موصـي النفـس لا تبيّـح خفاهـا
ولكـن للأسـف خلّصـت صبـري
وكفتنـي المحبـه مــن عنـاهـا
ولا أقـدر علـى جــور الليـالـي
بكـت عينـي وجاهـا مـا كفاهـا
أترجـم همـي بكلمـات شـعـري
أبـي الكلمـات يبكـي مـن قراهـا
يقـدّر عبرتـي مـن عـاش مثلـي
ويبـري علتـي رافــع سمـاهـا
ليست هناك تعليقات:
إرسال تعليق